الجــرح ....لـــ الشاعر سعد علوش

استعرض الموضوع السابق استعرض الموضوع التالي اذهب الى الأسفل

الجــرح ....لـــ الشاعر سعد علوش

مُساهمة من طرف عبدالرحمن الهمداني في الإثنين أغسطس 09, 2010 5:11 pm


الجرح ماهو خاطر شوي ويروق


الجرح حتى لو تشافى يعللك


واذاك متحمس متاهات وطروق


انا تعبت اشد حيلي واحاولك


سماي ما شيّ شمس ورعود وبروق


والريح ماهبت ولايجري الفلك


والقلب ناشف بحر وشقوقه شقوق


وشلون بيكوّن سحاب ويبللك


يا ضامي انا الضما ومتشبع حروق


واذاك ضامي للمواصل .. انا هلك


هلك ووقف في وجهي الاصل والذوق


والمجتمع والعرف والفقر واهلك


متعومس وحزن النبلاء مرموق


يعني لو احتاج الك ماجيتك اسألك


اللي علي اشكي واعاتبك برفوق


واقولك ودي ماعاد اتأملك


من دورة الايام ياخوك مخنوق


الوقت مشاني من السلك للسلك


ازل خطوه .. بس ما ازل منطوق


ولو صارت ابحب خشمك واجاملك


يبقى البني ادم مجرد ومخلوق


ملك .. ولكن في الحقيقه بلا ملك


كذاب.. قايل كل مطرود ملحوق


سنيييين وانا اطردك وازريت لا اوصلك


كنك تطيش وكني ادور في طوق


كل ما وصلت اخرك يطلعلي اولك


ليت مافي خاطري شوق وحروق


ماكان حسيت ان انا بس من كلك


الشوق ماهو رعشه وقبضة عروق


وماهو اللي من شينك فعينك يجملك


وماهو شعور ياخالق الروح برفوق


وماهو سحر ولا ادري والله شقول الك


انا سحابة حلم وتطير بك فوووق


وتطير ولا ودك انها تنزلك


الشوق هذا .. والا انا شوقي البوق


ماقد حصل في شوق هذي ولا تلك


تدري وش اسوي ليا اضناني الشوق؟؟


اسوي بعيوني كذا واتخيلك


واقربك واتوق واتوق واتوق


واكثرك واحلف ماعاد اقللك


واصورك في الموق وتكبر على الموق


وتطيح مع دمعي على ايدي واقبلك


هذا غلاي اللي مع الدم مدق


وقولا عاد تسأل عن شعوري وازعلك


محبة ماهيب من طارف السوق


لو انك توكل.. كان والله لاكلك

جيتك حقوق ورحت ماعندي حقوق


وان قلت ما احبك ابجحد مواصلك


احبك .. الا يا بري حالي وعوق

من كثر ما احبك اخاف اني اقتلك

عبدالرحمن الهمداني

المساهمات : 22
تاريخ التسجيل : 09/08/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: الجــرح ....لـــ الشاعر سعد علوش

مُساهمة من طرف ابوهادي الهاجري في الإثنين أغسطس 09, 2010 6:06 pm

مشكور اخوي الهمداني لانك عطرتنا بقصيدة رائعة ولاهنت على الطرح االاكثرمن رائع

ابوهادي الهاجري
صاحب الموقع
صاحب الموقع

المساهمات : 22
تاريخ التسجيل : 06/08/2010

معاينة صفحة البيانات الشخصي للعضو http://alnaoader.pforum.biz

الرجوع الى أعلى الصفحة اذهب الى الأسفل

رد: الجــرح ....لـــ الشاعر سعد علوش

مُساهمة من طرف عبدالرحمن الهمداني في الثلاثاء أغسطس 10, 2010 6:07 am

لاهنت عالمرور يالغلا

تحياتي

عبدالرحمن الهمداني

المساهمات : 22
تاريخ التسجيل : 09/08/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى